Ракомет: Охриѓани навиваа и на натпреварот со Србија (фото)
Петок, 27 Јануари 2012 02:12
Во организација на македонската влада по втор пат беа избрани 1000 граѓани да патуваат во Белград на ракометарскиот натпревар Македонија Србија. Извлекувањето беше по пат на лотарија, каде меѓу повеќето охриѓани кои беа избрани беше и нашиот сограѓанин Никола Билбилоски кој ни ги испрати сликите .Тој се најде на местото број 55 на листата која беше објавена на страната ovaemakedonija.mk .
Како што вели Билбилоски патувањето воглавно поминало добро и со мали пропусти.
- Кога пристигнавме имаше многу гужва и за џабе чекавме 1 саат (од 04.30) за возот да дојде во 05.30 скоро 06 часот. По пат атмосферата беше пријатна, 1000 Македонци заедно во еден глас пееа и со нетрпение го очекувавме натпреварот со Србија. Во Белград бевме убаво пречекани од домаќините, и натпреварот според мене беше како пријателски .И атмосферата беше таква на трибините можеше да се видат едно до друго Македонско и Српско знаме, Македонци и Срби заедно навиваа и сл....
По големата победа над Домаќинот Србија, дојде време за да си одиме дома. Ние тргнавме околу полноќ, но по половина час застанавме па чекавме до 03.00 часот наутро затоа што според информациите кои ни беа кажани имало далековод срушен на пругата па требало време да се отстрани.. Морам да ги демантирам некои медиуми во Македонија кои незнам од кои причини објавиа дека додека чекавме во возот било ладно и немало парно во вагоните, напротив во вагониот во кој бев јас беше топло и пријано! Единствена мана беше што кога одевме за Белград патувавме 9 часа, а за вракање патувавме 13-14 часа поради паднатиот далековод.
Реклама
ШОТОКАН КАРАТЕ КЛУБ
________________________________