Ohrid 1 - Mega Star - www.ohrid1.com

Делегација на  Општина Охрид предводена од членот на  Советот Кујтим Усеини и  Илкер Мустафа од секторот за туризам и ЛЕР се во повеќедневна посета во Анкара,  Република. Турција.

Претставниците на Општина Охрид првата средба ја остварија во  приватното основно училиште “ БИЛКЕНТ“ .На  средбата беше договорено збратимување на ОУ “БИЛКЕНТ и ОУ “ БРАТСТВО ЕДИНСТВО“ од Охрид, а беше потпишан и  договор за реализација на заеднички проект.

Проектот ке биде реализиран со група од 15 ученици и 2 наставници од двете училишта. Првично децата ќе комуницираат преку заедничка поставена веб- страна и  ќе се запознаваат со градовите, културите, храната, обичаите и   сето тоа што е вредно за нив. Потоа  ќе следат меѓусебни посети на двете училишта.  Посетата на нашите ученици на Анкара е договорена за  19 мај годинава.

Во име на Општина Охрид и Градоначалникот Александар Петрески делегацијата даде целосна подршка на проектот, се обврза да го следи и ја подржува  неговата реализација.

Во рамките на посетата се разговараше  и за поддршка на реновирањето на зградата на  гимназијата “Св. КЛИМЕНТ ОХРИДСКИ“ во Охрид и враќањето на стариот сјај.