Ohrid 1 - Mega Star - www.ohrid1.com

Заедничка изјава на Дејан Паноски и Јованка Дамоска Секулоска

После серијата на предлог одлуки за зголемување на цените на услугите на Јавните претпријатија во Охрид што локалната ги носи врз основа на политички одлуки , на седницата на Комисијата за финансии и буџет стигна нова шокантна предлог одлука.

Имено , ЈП Нискоградба и локалната излегуваат со барање за кредитно одобрување од 6 милиони денари за задолжување на ЈП Нискоградба !!!!????

Објаснението дека се бара кредит од 6 милиони денари чија намена ќе биде да се исплатат неисплатени плати и даноци е фрапантно и скандалозно. Ова е веќе лудило во однесувањето на локалната самоуправа и јавните претпријатија во Охрид . Неспособноста на менаџерите од ЈП Нискоградба , истите оние кои трошат 550.000 денари за мобилни телефони , истите кои ги поскапуваат услугите  и истите кои лажеа дека во претпријатието се е во ред  , сега треба да ја плаќаат граѓаните.

ЈП Нискоградба е водено од најнеспособен тим чија жртва е Охрид и бараме мерки против менаџерскиот тим.

Граѓаните на Охрид се под страшен ценовен притисок на локалната власт и Јавните претпријатија во Охрид. Зголемувањата и задолжувањата  го предлага  Локалната самоуправа и ЈП и никој друг.